"Nire hiriko poemak" Ana Urkiza

Ana Urkizaren "Nire hiriko poemak" izeneko liburuaren poema batzuk dakartzazuet; gehien gustatu zitzaizkidanak, hain zuzen  ere. Nire uste  apalean, liburua umekin ahozkotasuna lantzeko gomendagarria da.

ZAKARRRONTZIA Nire hiriko zakarrontziak kolorekoak dira: berdeak, urdinak, horiak... Nire hiriko zakarrontziak ase ezinak dira: beira, papera, hondakinak... Nire hiriko zakarrontziak puzkartiak dira: kiratsa, kerua, kakusaina... Zakarrontziei esker, nire hiria koloretsua da: berdea, urdina, horia...	GAUA Alkateak hiriko argiak itzali ditu gauak lo har dezan. Alkateak hiriko argiak piztu ditu gaua dadin atzarri. Gauaren beroa sorginaren  ahora.
AULKIAK Hamabi aulki daude pasealekuan hamaika arima ibiltari. Hamabi aulki daude pasealekuan bakarlariak  hamabi.	ARRAINA Bueltaka ari da arraina aintziran ilargiaren inguruan mundua jira-biran.
BANKUA Parkeko bankua ez dago bakarrik badauka aitonaren epela.	NEGUA Zerua isil-isilik dago: badator elurra.
BANKETXEA Banketxean ez dira  altxorrik gordetzen: ametsak uharteetan ezkutatzen.	BIKOTEA Eskutik helduta bikotea ahurrean musua gordeta.

IKASLEAK Ikasturte amaieran ikasleek gehiago dakitela dirudi.	EGUNKARIA Haizeak egunkari orriak daroaz. Letra inprimatuarekin  hitzak badoaz.
TERMOMETROA Termometroak koloreak ateratzen daki: zein den musu-gorri nor mutur-berde nola datorren kopetilun hala bizargorri. Bihotzaren hotz-beroa asmatzen ere, badaki.	IBAIA Hotza dakar menditik ibaiak bizkarrean hotsa darama itsasora eztarrian.

ANA URKIZA (Ondarroa, 1969) Informazio zientzietan litzentziatua eta enpresa-komunikazioan aditua. Deustuko unibertsitateko irakasle da gaur egun. Helduentzako bi ipuin-bilduma ditu argitaratuta: Desira izoztuak /2000) eta Bazterreko ahotsa (2005). Haur  eta gazteentzako idatzitako ipuin eta kontakizunen artean aipagarriak dira, besteak beste: Betaurrekoak utzi ditut eta zer? (2001), Hondartzarako kioskoa (2001), Ondarruko piratak (2003) eta Amak plastakoa eman dit (2004).

2019ko irailean, Eusko Ikaskuntzaren Batzar Nagusiak Ana Urkiza Ibaibarriaga aukeratu zuen lehendakari. Erakundearen 102 urteetan kargua hartu duen zortzigarren pertsona da, eta lehen  emakumea.