"Neska berdez jantzia" GAUERDIKO POEMAK - XV

NESKA BERDEZ JANTZIA

Erantzuna beti izango da horrelakoa,
ez dago beste aukerarik,
egongo balitz, ez litzaidake gustatuko;
leihotik begiratu hiriari,
kafetegitik
eta irribarre egiteko esaten dit.

Badakit oparitu nahiko lituzkeela

bere botere magikoak,

besteen pare izateko,

mundu honetan berdin sentitzeko.

Emakume berdez jantzia

bere jantzia berriz soinean,

nire bila dator berriro,

iluntasunetik salbatzera.

Zer gertatuko da balek

errebote egiteari uzten diotenean?

Gaiztoak gu baino indartsuagoak badira,

hegan egitea amets bihurtzen bada,

eta gure sekretuak haizatzen badira?

Emaidazu, bada, seinale bat,

nik mozorro bat bilatuko dut,

Gau Beltzako amets bat,

kolorez eta magiaz jantzia.

Ganbaran aurkituko dugu zerbait,

ahaztutako ametsen artean.

eta hitz ematen dizut, bihotzez,

ez dizudala biderik oztopatuko.