Lekuak, uneak eta pertsonak

Liendotik Monte Candinara begira, 

nire mendirik gogokoena, 

altxorrez eta sekretuz betetako parajea

Badira lekuak oroimenean geratzen direnak eta, denborarekin, berezi bihurtzen direnak. Hondartza bat izan daiteke, mendiko bide bat, taberna bateko terraza, pagoen baso bat, zinema-areto bat, frontoi bat edo itsasoaren ondoan dagoen kanpin txiki bat.

Era berean, badira uneak ere oroimenean gordetzen direnak eta berezi bihurtzen direnak: udako gau bat, udazkeneko ilunabar bat, udaberriko egunsenti bat edo neguko elurte bat. 

Leku eta une horiek guztiak gure bizitzaren zati bihurtzen dira. Urteak igaro ahala, agian, gero eta bereziagoak iruditzen zaizkigu. Baina nik uste dut badagoela zerbait are garrantzitsuagoa.

Lekuak eta uneak benetan berezi eta ahaztezin bihurtzen dituztenak pertsonak dira. Gure bizitzan arrastoa uzten duten pertsonak.

Haiekin partekatutako irribarreak, elkarrizketak, besarkadak, isiluneak, ametsak eta bizipenak dira leku bati edo une bati betiko esanahi berezia ematen diotenak.

Horregatik, agian, ez ditugu lekuak bakarrik gogoratzen, ezta uneak bakarrik ere.

Leku eta une horietan gurekin egon ziren pertsonak gogoratzen ditugu.

Eta horrela, egun batean, leku arrunt bat leku berezi bihurtzen da, eta une soil bat bizitza osorako oroitzapen.

Pertsonak eta sentiarazten zaituztena dira inportanteenak, denetatik balio handiena duena. Azken batean, oroitzapenik ederrenak ez dira lekuetan edo uneetan bizi… gurekin partekatu zituzten pertsonengan baizik.

     Zierbenako Punta Luzero mendiaren erpin geodesikoan     

"Leku batera askotan joan zaitezke, 

baina norekin zoazen kontuan hartuta, 

desberdina irudituko zaizu."

                                                                                                                  Rober Areizaga Ollobarren