Haixeder: IDIAZABALgo VI. Paleta Txapelketa Herrikoia -2014

Txapelketaren kartela

Pasa den larunbatean, Idiazabalgo Igarondo pilotalekuan txapelketa honetako bi finalak izan zirela eta, hararaino joan ginen, partiduak ikusteaz gain herriko frontoizaleak eta herria bera ere ezagutzeko asmotan.

Bigarren mailako txapelketa

Ligaxkako 1go fase batean, 3 bikotez osaturiko 9 taldetan, 27 bikotek parte hartu dute.

"A" taldea: Alvarez--Ballina, Pagoaga--Agirre eta Arzellus--Nuin.

"B" taldea: Urretabizkaia--Marin, Vicente--Ortega eta Josu--Gurutz (Amorotokoak).

"D" taldea: Agirrezabal--Mendizabal, Barbulo--Aranjuelo eta Martínez--Leunda.

"E" taldea: Alegria--Gonzalez, Artetxe--Urigoitia eta Otxoa--Gametxo.

"F" taldea: Landa--Berdegue, Salaberria--Luarizayerdi eta Viana--Aztiria.

"G" taldea: Iribar--Carrasco, Murua--Matxain eta Ormazabal--Goiburu.

"H" taldea: Rodríguez--Viana (Juanena), Arruti--Arabaolaza eta Garmendia--Etxarri.

"I" taldea: Egialde--Muñoz, Zubeldia--Beloki eta Iparagirre--Iparagirre.

"J" taldea: Jon--Xanti, Letamendia--Olaran eta Arruti--Arruti.

Matias Carrasco

Lehenengo mailako txapelketa

Dozena bat bikotek parte hartu nahi izan dute.

"A" taldea: Berasategi--Aierdi, Jon eta Unda (bizkaitarrak) eta Aizpuru--Lopetegi.

"B" taldea: Errasti--Esnaola, Bikutze--Gastesi eta Aizpuru--Urdanpileta.

"D" taldea: Zabala--Azpeitia (Zierbenan jolastu direnak), Enekoitz--Arroniz (Bermeokoa eta Gasteiztarra) eta Txoperena--Ormaetxea (aurrelari gipuzkoarrak partidu batetan Ibai Perezen ordez jolastu zuen Zierbenan).

"E" taldea: Ramos--Zubimendi (hernaniarrak), Loidi--Santamaria eta Larralde--Zumeta (Zierbenan parte hartu dute).

Iñaki Undagoitia, "Unda", buru-belarri pala prestatzen

Idiazabalgo txapelketaren emaitza guzti-guztiak

61partida jolastu dira Igarondo piltalekuan izan den txapelketa honetan. Horietako 39 ligaxketan, 12 partidu 1go mailan eta beste 27 partidu 2. mailan; eta 22 kanporaketetan (hain zuzen ere, 7 partudu 1go mailari dagozkionak eta beste 15 partidu 2. mailari dagozkionak).

Hemen dituzue datu guztiak.

Apirilak 26, larunbata, 08:45etan
1go partidua	2. maila	Otxoa—Gametxo	25	18	Bikutze—Gonzalez
2. “		Alvarez—Ballina	22	25	Pagoaga—Agirre
3. “		Agirrezabal—Mendizabal	18	25	Martinez—Leunda
4. “		Viana—Rodríguez	25	17	Arruti—Arabaolaza
Apirilak 27, igandea, 09:00etan
1go partidua	2. maila	Jon—Xanti	25	16	Arruti—Arruti
2. “	2. maila	Iribar—Carrasco	22	25	Murua—Matxain
3. “	1. maila	Zabala—Azpeitia	22	25	Enekoitz—Arroniz
Maiatzak 1, osteguna, 10:00etan
1go partidua	1. maila	Errasti—Esnaola	20	25	Bikutze—Gastesi
2. “	1. maila	Larralde—Zumeta	19	25	Ramos—Zubimendi
3. “	2. maila	Landa—Berdegue	24	25	Viana—Aztiria
Maiatzak 10, larunbata, 08:30etan
1go partidua	2. maila	Garmendia—Etxarri	25	10	Arruti—Arabaolaza
2. “		Bikutze—Gonzalez	25	20	Artetxe—Urigoitia
3. “		Iparagirre—Iparagirre	12	25	Egialde—Muñoz
4. “		Vicente—Ortega	11	25	Urretabizkaia—Marin
5. “		Viana—Aztiria	18	25	Salaberria--Luarizayerdi
Maiatzak 10, larunbata, 15:30etan
1go partidua	1. maila	Bikutze—Gastesi	25	15	Aizpuru—Urdanpileta
2. “	1. maila	Berastegi—Aierdi	25	20	Aizpuru—Lopetegi
3. “	2. maila	Arruti—Arruti	25	19	Letamendia—Olaran
Maiatzak 11, igandea, 10:00etan
1go partidua	1. maila	Zabala—Azpeitia	25	10	Txoperena—Ormaetxea
Maiatzak 17, larunbata, 09:00etan
1go partidua	2. maila	Alvarez—Ballina	25	21	Arzelus—Nuin
2. “	2. maila	Iparagirre—Iparagirre	25	12	Zubeldia—Beloki
3. “	1. maila	Loidi—Santamaria	25	20	Larralde—Zumeta
4. “	2. maila	Garmendia—Etxarri	25	19	Viana—Rodríguez
Maiatzak 18, igandea, 09:00etan
1go partidua	2. maila	Barbulo—Aranjuelo	25	10	Agirrezabal—Mendizabal
2. “	1. maila	Jon—Unda	25	23	Berastegi—Aierdi
3. “	2. maila	Josu—Gurutz	25	10	Vicente—Ortega
4. “	2. maila	Ormazabal—Goiburu	24	25	Iribar—Carrasco
Maiatzak 24, larunbata, 09:00etan
1go partidua	2. maila	Pagoaga—Agirre	25	20	Arzelus—Nuin
2. “	2. maila	Otxoa—Gametxo	14	25	Artetxe—Urigoitia
3. “	1. maila	Enekoitz—Arroniz	21	25	Txoperena—Ormaetxea
4. “	2. maila	Egialde—Muñoz	25	21	Zubeldia—Beloki
Maiatzak 24, larunbata, 16:30etan
1go partidua	2. maila	Barbulo—Aranjuelo	25	21	Martinez—Leunda
2. “		Letamendia—Olaran	24	25	Jon—Xanti
3. “		Salaberria—Luarizayerdi	25	17	Landa—Berdegue
Maiatzak 25, igandea, 09:00etan
1go partidua	1. maila	Errasti—Esnaola	22	25	Aizpuru—Urdanpileta
2. “	1. maila	Jon—Unda	25	07	Aizpuru—Lopetegi
3. “	2. maila	Josu—Gurutz	25	21	Urretabizkaia—Marin
4. “	2. maila	Murua—Matxain	25	14	Ormazabal—Goiburu
Ekainak 1, igandea, 09:00etan (3. partidua)
3. partidua	1. maila	Loidi—Santamaria	08	25	Ramos—Zubimendi
K A N P O R A K E T A K
Maiatzak 31, larunbata, 08:30etan
1go partidua	Final 1/8 2. maila	Jon—Xanti	25	21	Urretabizkaia—Marin
2. “		Salaberria—Luarizayerdi	16	25	Juanena—Rodríguez
3. “		Pagoaga—Agirre	25	19	Artetxe—Urigoitia
4. “		Garmendia—Etxarri	25	23	Bikutze—Gonzalez
5. “		Josu—Gurutz	25	09	Iparagirre—Iparagirre
6. “		Murua—Matxain	25	23	Martinez—Leunda
Ekainak 1, igandea, 09:00etan
1go partidua	Final 1/8 2. maila	Barbulo—Aranjuelo	24	25	Iribar—Carrasco
2. “	Final 1/8 2. maila	Egialde—Muñoz	25	22	Alvarez—Ballina
F I N A L 1/4
Ekainak 7, larunbata, 09:00etan
1go partidua	2. maila	Josu—Gurutz	25	21	Murua—Matxain
2. “	2. maila	Egialde—Muñoz	23	25	Juanena—Rodríguez
Ekainak 7, larunbata, 16:00etan
1go partidua	1. maila	Zabala—Azpeitia	25	11	Berastegi—Aierdi
Ekainak 15, igandea, 09:00etan
1go partidua	2. maila	Garmendia—Etxarri	25	24	Pagoaga—Agirre
2. “	2. maila	Jon—Xanti	22	25	Iribar—Carrasco
3. “	1. maila	Bikutze—Gastesi	17	25	Enekoitz—Arroniz
4. “	1. maila	Jon—Unda	25	13	Aizpuru—Urdanpileta
Ekainak 17, asteartea, 17:00etan (2. Partidua)
2. partidua	1. maila	Ramos--Zubimendi	25	24	Loidi--Santamaria
F I N A L 1/2
Ekainak 17, asteartea, 17:00etan
1go partidua	2. maila	Garmendia--Etxarri	12	25	Juanena--Rodriguez
Ekainak 19, osteguna, 19:00etan
1go partidua	1. maila	Jon--Unda	25	20	Enekoitz--Arroniz
2. “	2. maila	Josu--Gurutz	16	25	Iribar--Carrasco
Ekainak 22, igandea, 10:00etan
1go partidua	1. maila	Ramos--Zubimendi	25	14	Zabala--Azpeitia
F I N A L A K
Ekainak 28, larunbata, 10:30etan
1go partidua	2. maila	Juanena--Rodríguez	25	17	Iribar--Carrasco
2. “	1. maila	Ramos--Zubimendi	11	25	Jon--Unda

Mikel Rodriguez

Iñaki Unda, akatsik egiten ez duen atzelaria

AZKEN FASEA: KANPORAKETAK

1go maila

FINAL 1/4		FINAL 1/2		FINAL
Ramos—Zubimendi	25	Ramos--Zubimendi	25	Ramos--Zubimendi	11
Loidi—Santamaria	24

Zabala—Azpeitia	25	Zabala--Azpeitia	14
Berastegi—Aierdi	11

Jon—Unda	25	Jon--Unda	25	Jon--Unda	25
Aizpuru—Urdanpileta	13

Bikutze--Gastesi	17	Enekoitz--Arroniz	20
Enekoitz--Arroniz	25

Goiko laukian nola izan diren 1go mailako kanporaketak ikus daitezke, final laurdenetatik txapelketaren bukaeraraino.

Aiheko Zubimendi

2. maila

FINAL 1/8		FINAL 1/4		FINAL 1/2		FINAL
Garmendia--Etxarri	25	Garmendia--Etxarri	25	Garmendia--Etxarri	12	Juanena--Rodriguez	25
Bikutze--Gonzalez	23

Pagoaga--Agirre	25	Pagoaga--Agirre	24
Artetxe--Urigoitia	19

Egialde--Muñoz	25	Egialde-- Muñoz	23	Juanena--Rodriguez	25
Alvarez--Ballina	22

Salaberria--Luarizayerdi	16	Juanena--Rodríguez	25
Juanena--Rodriguez	25

Barbulo--Aranjuelo	24	Iribar--Carrasco	25	Iribar--Carrasco	25	Iribar--Carrasco	17
Iribar--Carrasco	25

Jon--Xanti	25	Jon-- Xanti	22
Urretabizkaia--Marin	21

Josu--Gurutz	25	Josu-- Gurutz	25	Josu-- Gurutz	16
Iparagirre--Iparagirre	09

Murua--Matxain	25	Murua--Matxain	21
Martinez--Leunda	23

Eta beste lauki honetan 2. mailako kanporaketa guztien datuak. Aipagarria benetan final laurdenetako lau partiduetan izan zen berdintasuna.

Finaletako aurrelarien arteko lehia: goiko irudian Julen Iribar eta Asier Juanena,

behekoan Jon Arriaga eta Endika Ramos

Bigarren mailako finala

Juanena--Rodriguez 25 Iribar--Carrasco 17

Asier Juanena--Mikel Rodriguez, biak Zumarragakoak, euren aurkariak baino gehiago iruditu zitzaizkidan hasiera hasieratik, minutu askotan markagailua parekaturik zihoan arren. Julen Iribar--Matias Carrasco bikoteak, (Igeldoko eta Donostiako, hurrenez hurren) txapelketa gogorra izan du, eta norgehiagoka askotan justu xamar irabazi dute.

Final zortzirenetan, adibidez, 15. postuan sailkatu ziren; hau da, gutxigatik ez ziren kanpoan geratu. Eta lehenengo kanporaketa horretan, 25 eta 24 irabazi zuten Barbulo--Aranjuelo bikotearen aurka. Final laurdenetan, berriz, 25 eta 22 irabazi zuten Jon--Xanti bikotearen aurka. Euren emaitzak aztertzen, arreta deitu dit finalerdietan lortutako garaipen argiak (25 eta 16) Amorotoko Josu--Gurutz bikotearen aurka.

Finalean partidaren erditik aurrera amore eman behar izan zuten (14 eta 11, 18 eta 12 eta 21 eta 14, besteak beste). Hala ere, maila ona azaldu zuten eta lehia disputaturik izan zen.

Juanena--Rodríguez oso bikote ona iruditu zitzaidan, biak mutil gogorrak, sasoi onean eta akats gutxi egin zituztenak. Garaipena merezitakoa izan zen.

Lehenengo mailako finala

Jon--Unda 25 Ramos--Zubimendi 11

Ramos--Zubimendi bikoteak gorabeherak izan ditu txapelketa honetan. Ligaxkari dagozkion bi partiduetan garaile izan ziren, bai lehenengoan Larralde--Zumeta bikotearen aurka (25 eta 19), baita bigarrenean ere, Loidi--Santamaria bikotearen aurka (25 eta 8). Emaitza polit hauen ondorioz, sailkapenaren lehenengo postuko jabe izan ziren final laurdenetako kanporaketetara heltzeko.

Sailkapenaren arabera, berriro ere Loidi--Santamaria bikotearen aurka jolastu behar izan zuten final laurdenetan, eta, hernaniarrek, puntu bakar bateko diferentziaz pasatu zuten (25 eta 24), nahiz eta egun gutxi lehenago oso erraz irabazi bikote beraren aurka (25 eta 8, esan dudanez).

Hernaniarren finalerdia ez zen erreza, ez, baina Zabala--Azpeitia bikotearen aurka espero ez zen garaipen ederra eskuratu zuten, 25 eta 14 irabazi baitzuten. Honela, Andoni Zabala eta Manu Azpeitiari finalean bizkaitarren aurka aritzeko itxaropen eta ilusioak kendu zizkieten.

Ramos eta Zubimendi hernaniarrek zail daukate Jon--Unda bizkaitarren aurka, bi bikoteen indartze eta gabeziak ikusita. Horretaz gain, finaletan buruak asko jolastu eta erabaki egiten ohi duenez, eta Ramosek eta Zubimendik jakin badakite beti galtzaile suertatu direla Jon eta Undaren aurkako lehietan.

Idiazabalgo norgehiagokan alde haundia ikusi nuen, hasiera hasieratik bizkaitarrek diferentzia izugarria ipini baitzuten markagailuan (0 eta 7, 5 eta 15, 6 eta 20, 7 eta 23...).

Jon--Unda merezitako garaile aurtengo beste txapelketa batetan.

Sari-banaketa

Gorka Etxarrik eta Gorka Egialdek, txapelketako antolatzaileak, lan ederra egin zuten, txapelketaren bi finalak bukatu bezain pronto pilotalekuan bertan sari banaketa egiteko.

Egialdek eta Goiburuk, bi partiduetan epaile lana burutu zuena, sariak banandu zituzten.

Iribar--Carrasco, 2. mailako txapeldunordeak

Juanena--Rodriguez, 2. mailako txapeldunak

Ramos--Zubimendi, 1go mailako txapeldunordeak

Jon--Unda, 1go mailako txapeldunak

Asier Rodríguez, pilotaririk onena 2. mailako finalean

Jon Arriaga, pilotaririk onena 1go mailako finalean

Matias Carrascok pilotaririk dotoreenari emandako saria lortu zuen,

hainbeste urtetan frontoietan gizalegez jokatu eta gero merezitako garaikurra

Taldeko argazkia

Idiazabalgo giroa

Sari-banaketaren ostean, herriko tabernaz taberna poteoa, akordeoi soinu eta guztiz, Izaro Garmendiaren eskutik (bere lanbidea pailasoa dela eta, eguerdi ostean Mungiako jaietara lanera joan behar izan zuen, bertako txikiei irribarre batzuk ateratzeko).

Geroxeago, Arretxe elkartearen txokoan primerako jatorduaz gozatu genuen 30 bat lagunek. Bazkariari amaiera emateko, bertaratu ginen guztion artean Idiazabal gazta bat zozketatu zen.

Aranburu Gaztandegia

Belaunaldiz belaunaldi gaztaren inguruan ibilitako familiaren gaztandegia da honakoa. Egun, 3 anaien artean kudeaturiko gaztandegi honetan, teknologia berrienak erabiltzeari esker, 20 tona gazta ekoizten dira urtero. Beraz, usadioa eta egungo teknologia berrien arteko oreka-puntuaren erakusgarria da, oinarrian latxa arrazako ardia dagoelarik.

Idiazabalen egun pasa egiten genuela, ezinezkoa iruditu zitzaigun Aranburu Gaztandegitik ez pasatzea. Beraz, etxeratu aurretik bertara joan ginen. Aranburutarren anai batek, bere emaztearekin lanean zegoela larunbata izan arren, primerako arreta egin zigun, bai era guztietako azalpenak emanez eta baita gaztandegia erakutsiz. Eta nola ez, Iñaki Unda, Amaia eta hirurok Idiazabalgo gazta gozo-gozoa ekarri genuen.

I D I A Z A B A L

Geografia eta historia

Idiazabal Gipuzkoako hegoaldeko Goierri eskualdean dago, Donostiatik 45Km-tara, hain zuzen ere. Bi mila biztanle inguru ditu, hirigune, Urtsuaran auzoa (1947-rarte Segurako auzoa) eta baserri sakabanatuetan banaturik.

Mendi aldeko trikuharri eta tumuluak, gizakiaren jarduera antzinakoenen lekuko dira. Geroztik, Idiazabal herriaren lehenengo aipamena 1199an jaso zen, baina 1615. urtean "villa" titulua lortu bitarte, 231 urte Seguraren babesean eman zituen.

Egun, industria ugari jasotzen dituen arren, nekazaritza eta abeltzaintza betidanik izan dira nagusi Goierriko herri honetan, eta latza eta Karrantza motetako ardi esnearekin egiten den gaztari jatorrizko deitura ematen diolako da ospetsua.

Idiazabalgo udaletxea

Gune interesgarriak

Idiazabal Gaztaren Interpretazio Zentrua: Ikus–entzunezko, betiko artzain txabolaren erreprodukzio, diaporama eta abarren bitartez, oso ezaguna den Idiazabal gaztaren sekretuak kontatzen dizkigute. Gainera, jatorrizko deitura daukan gazta hau dastatzeko txokotxoa ere badu eta Aranburu Gaztandegia bisitatzeko aukera ere ematen du.

Miguel Deunaren eliza

Miguel Deunaren eliza: 1553tik aurrera, herriko seme izan zen Pedro Nafarrasagastiko maisuak, altuera bereko zutabeekin egindako hiru nabedun eliza alemaniarren estiloan birmoldatu eta haunditua izan zen.

Aurrealde erromanikoa du XII. mendeko balio handiko ikur-irudiekin.

XIII. mendeko arkibolta gotikoa du.

IX. mendeko Erromaniko-aurreko bataio-pontea, Gurutzetako Andra Mariren ermitatik ekarria.
1743an egindako erretaula barrokoa, gorteko arkitekto izan zen Migel Irazustakok egindako azken maisu-obratzat hartua da eta herriko seme zen Jose Antonio Iparagirre eskultoreak egina.
San Migel Goiangeruaren imajina, berriz, Luis Salvador Carmonaren lanik onenetakotzat joa da eta Madrileko errege-tailerretan egina. Gainera, XVII. eta XVIII. mendeetako erretaula eta koru interesgarriak ditu.
Eliza Idiazabalgo erdigunean kokaturik dago.

Indianoen palazioak: Pilarrene, Toki-eder, Txomenarenea, Lardizabalenea, Jauregialzorenea ... besteak beste.

Artzainari monumentua: Egun, latxa ardien esne gordinarekin egindako gazta euskal gastronomiaren eta kulturaren oinarri nagusietariko bat bada, artzainek egindako lanari esker izan da. Beraz, xehetasun handiz zizelkaturiko brontzezko artelan honen bitartez, artzaintzaren lanbide gogorrari omenaldi txiki eta xumea egin nahi zaio.

Maiatzeko lehenengo igandea

1998tik, Idiazabal herria, Idiazabal Jatorri Izendapendun gaztaren hiriburu bilakatzen da, bertan, jaki gozo hau protagonista duen azoka ospatzen delarik.

Idiazabal Gaztaren ekoizleak Euskal Herriko puntu ezberdinetatik bertaratzen dira euren produktuak aurkeztu eta jendeak gaztarik onena aukeratu dezan.

Herriko plazan bere gune nagusia duen ospakizun honetan, gaztaren elaborazio eta ardien ile mozketa erakustaldiak ikusteko eta beste produktu batzuk dastatzeko eta jai giroaz gozatzeko aukera izaten da.

Jaiak

Idiazabalko zaindaria San Blas da eta bere ohorean jaiak Otsailak 3an ospatzen dira. Ohiturei edo tradizioei jarraituz, erroskilak (txakurropilak) bedeinkatzen dira eta hainbat ekintza antolatzen dira. Bai aurreko zein hurrengo egunak giro alaikoak ere izaten dira: San Blas bezpera, kandelerio eguna da, hortaz kandelak bedeinkatzen dira, eta otsailak 4ean San Blas txiki ospatzen da.

Bitxikeria: mondejua eta odolostea

2 jaki hauek beltzak dira baina Idiazabalen oso erraz ezberdintzen dituzte: Mondejuak ardi odolarekin egiten dira eta odolosteak txerri odolarekin.

Txomenarenea parkea

Amaia eta biok Idiazabalen egondako lagunei eskerronak
eman nahi dizkiegu jasotako arretagatik

Gorka Etxarri, Gorka Egialde, Iñaki Goiburu, Aritz Iparagirre, José Luis Sarasola, Hector Aierdi, Izaro Garmendia, Iban Munoa, Andoni Zabala, Aiheko Zubimendi, Endika Ramos, Matias Carasco, Julen Iribar, Josu Imaz, Jon Arriaga, Urretabizkaia....... eta euren izenak ezagutzen ez ditudan beste batzuk ere.

Nire argazki-bilduma ikusi ahal izateko esteka:
https://plus.google.com/u/0/photos/117950458098646013336/albums/6030277808926216913?authkey=CMbWq9T4jomUNQ

Haixeder

viernes, 4 de julio de 2014

IDIAZABALgo VI. Paleta Txapelketa Herrikoia -2014

No hay comentarios:

Publicar un comentario